23
ponitur. Ex puncto vero remotiori E, ne faſtigium
quidem C, videri poterit: Quia linea EC, ſuum
initium totum habet ſub rotunditate, quæ eo loci totum
viſibile ABC, ſubtrahit viſui in ſuperficie aquæ, ſeu
proxime in E, exiſtenti. Quæ vero ſunt multum
remota, præterquam quod ob nimium anguli viſiui
acumen redduntur inuiſibilia, tamen ex editiori etiam
loco ob eamdem aquæ rotunditatem videri non
poterunt: vt ſi oculus ſit in H, in ſumitate rei editæ GH,
non poterit videre punctum C, quia linea recta visualis
HC, impingit in rotunditatem L: neq. viceuersa oculus
in C, videre poterit pũctum H, quia radius viſiuus CH,
impingit in globum puncto K. Quod ſi aqua eſſet
plana, nihil horum contingeret, quia acceſſus & receſſus à
viſibili non fieret per lineam circularẽ, ſed per lineã
rectam, in qua rotunditas eſſet, quæ viſum
impediret. Hoc pacto rotunditas eſt accipienda, non eo
modo, quo eam Patricius accepit, accepit & cum
Patricio Caſmannus. Scio non facile quamque
conceſſurum Patricio, quod ego conceſſi, Turris illius
occultationem potuiſſe ab aquæ globoſitate fieri, in tam
exigua decem milliarium diſtantia: nam decem milliaria
in magna magni globi peripheria non continet plus
quàm decem minuta vnius gradus, circiter, eſt autem
quantitas pene inſenſibilis hæc, reſpectu totius
peripheriæ minutorum 21600. quæ particula peripheriæ
in ſe curuę, eſt ad ſenſum vt linea recta, quæ in ſe nihil
pene habet gibboſitatis ſenſibilis. Quamuis vero
turris illa latere tandem potuerit ad decimum milliare,
tum ex nimio anguli uiſiui acumine, tum ex
multiplicatione & incraſſatione Vaporum, aquę iuxta ipſius
ſuperficiem incumbantium; nihilominus tamen ex
globoſitate etiam ordinaria & naturali aquę potuit ipſa
