Jump to content

Pagina:Euripus seu de fluxu et refluxu maris sententia.djvu/75

E Wikisource
Haec pagina emendata est

61


le in V, & luna in T, quod fit in aſpectu quadrato, circuli illi aquarum tractiui, Solis nimirum, & Lunæ, interſecabunt ſe in polis orthogonaliter, & ſic in tractione aquæ erunt ſibi contrarii: dum igitur Solaris circulus trahit pro ſuo modulo aquas, eaſque colligit in duos vertices ſibi oppoſitos in Q. & S. profecto diuertit nonnihil aquarum, ne ad cumulum Lunarem tranſeant: ac propterea depresſiores eſſe oportet vertices cumuli lunaris ad L. verſus I. & ab M. verſus O. & ſic minorem deſcribet eo die vertex cumuli Lunaris circulum, quam ſit circulus LαMδ. Depresſio quoque in refluxu circa baſim PR minor erit in aſpectu quadrato, quam in coniunctione, & oppoſitione: quia exiſtente vtroque vertice vtriuſque cumuli Lunaris in α. & δ, baſis ipſius PR, deſcribet eo die circulum PFRG. & diameter dictæ baſis erit FG. vbi ſane aqua eſſet valde depreſſa; ſed quia vertex vtriuſque cumuli Solaris tunc eſt in I & O, profecto culmen vtrumq; cumuli Solaris eo die deſcribet circulum ISOP, qui maior eſt quam ſit circulus FRGP, & ita aqua multo minus deprimetur. In ea enim parte eſt vterq. vertex cumuli Solaris, in quæ eſt baſis cumuli Lunaris, & eo Sol trahit aquas, vnde eas Luna diſtrahit: & contrariæ fiunt inter hæc luminariũ actiones, ſeſeq. inuicem retundunt. Et quidẽ in Oceano adhuc maris magnus fit fluxus & refluxus, etiã in quadrato aſpectu, quia cumulus Lunæ eſt multo maior, quam cumulus Solis, cuius vertex non poteſt æquare verticem cumuli Lunaris. At vero in ſinubus in quibus exigua eſt aqua, & conſequenter vbi Luna non multum trahit, quia non multum habet quod trahat, cumulum etiam non habet ſenſibiliter maiorem, quam ſit cumulus Solis. Quando ergo ſibi contrarii ſunt hi cumuli, in aſpectu nimirum quadrato, tunc in his ſinubus nullus fit flu-

xus