rent, exceptumque jam hostem a robustioribus et ipsi circuirent.
11. Sertorius idem in Hispanìa adversus Pompeium fecit.
12. Cleandridas Lacedæmonius adversus Lucanos densam instruxit aciem, ut longe minoris exercitus speciem præberet. Securis deinde hostibus, in ipso certamine diduxit ordines, et a lateribus circumventos eos fudit.
13. Gastron Lacedæmonìus, quum in auxilium Ægyptìis adversus Persas venisset, et sciret firmiorem esse Græcum militem, magisque a Persis timeri, commutatis armis, Græcos in prima posuit acie, et quum illi æquo Marte pugnarent, submisit Ægyptiorum manum. Persæ, quum Græcis, quos Ægyptios opinabantur, restitissent, superveniente multitudine, quam ut Græcorum expaverant, cesserunt.
14. Cn. Pompeius in Albania, quia hostes innumero equitatu prævalebant, juxta collem in angustiis protegere galeas, ne fulgore earum conspicui fierent, jussit [milites]; equites deinde in æquum procedere, ac velut prætendere militibus: præcepitque eis ut ad primum impetum hostium refugerent; et, simul ad pedites ventum esset, in latera discederent. Quod ubi explicitum est, patefacto loco subita peditum consurrexit acies, invectosque temere hostes, inapinato interfusa prœlio cecidit[30].
