Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/134

E Wikisource
Haec pagina emendata est
132
STRATEGEMATICON LIB. II.

jumentorumque magnam partem instratorum centunculis, ut per hoc facies equitatus objiceretur; præcepitque ut, quum animadvertissent committi prœlium, ipsi in terga hostium descenderent. Qui apparatus tantum terroris intulit, ut asperrimi hostes in fugam versi sint.

7. Licinius Crassus, fugitivorum bello, apud Calamarcum educturus militem, adversus Castum et Gannicum, duces Gallorum, duodecim cohortes cum C. Pomptinio et Q. Marcio Rufo legatis, post montem circummisit: quæ quum, commisso jam prœlio, a tergo clamore sublato decucurrissent, ita fuderunt hostes, ut ubique fuga, nusquam pugna capesseretur.

8. M. Marcellus, quum vereretur ne paucitateni ejus militum clamor detegeret, simul lixas calonesque, et omnis generis sequelas conclamare jussit[45]: atque ita hostem magni exercitus specie exterruit.

9. Valerius Lævinus, adversus Pyrrhum, occiso quodam gregali, tenens gladium cruentum, utrique exercitui persuasit Pyrrhum interemptum. Quamobrem hostes destitutos se ducis morte credentes, consternati a mendacio, se pavidi in castra receperunt[46].

10. Jugurtha, in Numidia, adversus C. Marium, quum Latinæ quoque linguæ usum ei conversatio pristina castrorum dedisset, in primam aciem procucurrit, et occisum ab se C. Marium[47] tum Latine clare prædicavit, atque ita multos nostrorum avertit.

11. Myronides Atheniensis, dubio prœlio adversus