Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/142

E Wikisource
Haec pagina emendata est
140
STRATEGEMATICON LIB. II.

se Romanis equitibus simulans, usque ad locum voraginosum et præaltum eos perduxit; et, quum ipse per solidos ac notos sibi transitus evaderet, Romanes ignaros locorum, immersosque limo, cecidit.

8. Fulvius imperator, Celtiberico bello, collatis cum hoste castris, equites suos jussit succedere ad munitiones eorum, lacessitisque barbaris, simulata fuga recedere. Hoc quum per aliquot dies fecisset, avide insequentibus Celtiberis, animadvertit, castra eorum solita nudari: itaque per partem exercitus custodita consuetudine, ipse cum expeditis post castra hostium consedit occultus, effusisque eis ex more, repente adortus, et desertum promit vallum, et castra cepit[57].

9. Cn. Fulvius, quum in finibus nostris exercitus Faliscorum, longe nostro major, castra posuisset, per suos milites quædam procul a castris ædificia succendit, ut Falisci, suos id fecisse credentes, spe prædæ diffunderentur.

10. Alexander, rex Epirotarum[58], adversus lllyrios, collocata in insidiis manu, quosdam ex suis habitu Illyriorum instruxit, et jussit vastare suam [id est Epiroticam] regionem. Quod quum Illyrii viderent fieri, ipsi passim prædari cœperunt, eo securius, quod præcedentes veluti pro exploratoribus habebant: a qui-