nam se comitaretur, respexisset, aversum uno ictu confecit[80].
42. Iphicrates Atheniensis, ad Cherronesum, quum sciret, Lacedæmoniorum ducem Anaxibium exercitum pedestri itinere ducere, firmissimam manum militum eduxit e navibus, et in insidiis collocavit: naves antem omnium, tanquam onustas milite, palam transnavigare jussit[81]. Ita securos, et nihil exspectantes Lacedæmonios a tergo aggressus in itinere, oppressit, fuditque.
43. Liburni, quum vadosa loca obsedissent, capitibus tantum eminentibus, fidem fecerunt hosti alti maris, ac triremem, quæ eos persequebatur, implicatam vado ceperunt.
44. Alcibiades, dux Atheniensium, in Hellesponto adversus Mindarum[82], Lacedæmoniorum ducem, quum amplum exercitum, et plures naves haberet, nocte expositis in terram quibusdam militum suorum, parte quoque navium post quædam promontoria occultata, ipse cum paucis profectus, ita ut contemptu sui hostem invitaret, eumdem insequentem fugit, donec in præparatas insidias perduceret. Aversum deinde, et egredientem in terram, per eos, quos ad hoc ipsum exposuerat, cecidit.
45. Idem, navali prœlio decertaturus, constituit malos quosdam in promontorio, præcepitque his, quos ibi relinquebat, ut, quum commissum prœlium sensissent, panderent vela. Quo facto consequutus est, ut ho-
