Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/174

E Wikisource
Haec pagina emendata est
172
STRATEGEMATICON LIB. II.

traxit, sed quadam etiam spe utilitatis, quæ id consilium sequutura esset, confirmavit.

3. Idem, quum auxiliares ejus missi ab ipso, circumventi ab hostibus et interfecti essent, verereturque ne propter hoc damnum universus trepidaret exercitus, pronuntiavit, auxiliarios, qui ad defectionem conspirassent, consilio a se in loca iniqua deductos. Ita manifestissimam cladem ultionis simulatione velavit, et militum animos bac persuasione confirmavit.

4. Scipio, quum Syphacis legati nuntiarent ei regis sui nomine, ne fiducia societatis ejus ex Sicilia in Africam transiret, veritus ne confunderentur animi suorum abscissa peregrina societate, dimisit propere legatos, et famam diffudit, tanquam ultro a Syphace arcesseretur[91].

5. Q. Sertorius, quum acie decertaret, barbarum, qui ei nuntiaverat Hirtuleium periisse, pugione trajecit, ne et in aliorum id notitiam perferret, et ob hoc animi suorum infirmarentur.

6. Alcibiades Atheniensis, quum ab Abydenis prœlio urgeretur, subitoque magno cursu tristem adventare tabellarium advertisset, prohibuit palam dicere quid afferret. Dein secreto sciscitatus, a Pharnabazo, regio præfecto, classem suam oppugnari, celatis et hostibus et militibus prœlium finiit, ac protinus ad eripiendam classem ducto exercitu, suis opem tulit.

7. Hannibalem venientem in Italiam tria millia Carpetanorum[92] reliquerunt: quos ille, exemplo ne et ce-