Haec pagina emendata est
200
STRATEGEMATICON LIB. III.
Ex contrario circa tutelam obsessorum:
| XII. | De excitanda cura suorum. |
| XIII. | De emittendo et recipiendo nuntio. |
| XIV. | De introducendis auxiliis, et commeatibus suggerendis. |
| XV. | Quemadmodum efficiatur ut abundare videantur quæ deerunt. |
| XVI. | Qua ratione proditoribus et transfugis occurratur. |
| XVII. | De eruptionibus. |
| XVIII. | De constantia obsessorum. |
I. De repentino impetu.
1. T. Quinctius consul, victis acie Æquis et Volscis, quum Antium[2] oppidum expugnare statuisset, ad concionem vocato exercitu, exposuit quam id necessarium et facile esset, si non differretur. Eoque impetu, quem exhortatio concitaverat, aggressus est urbem.
2. M. Cato in Hispania animadvertit, potiri se quodam oppido posse, si inopinatus invaderet. Quatridui itaque iter biduo per confragosa et deserta emensus, nihil tale metuentes oppressit hostes. Victoribus deinde suis causam tam facilis eventus requirentibus, dixit, tune illos victoriam adeptos, quum quatridui iter biduo eripuerint[3].
II. De fallendis iis qui obsidentur.
1. Domitius Calvinus, quum obsideret Lunam[4],
