Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/206

E Wikisource
Haec pagina emendata est
204
STRATEGEMATICON LIB. III.

Agrigentinorum egregie munitam obsideret[7], petito ab eis concilio, diu tanquam de rebus ad commune[8] pertinentibus disseruit in theatro, ubi ex more Græcorum locus consultationi præbebatur: dumque consilii specie tenet multitudinem, Athenienses, quos ad id præparaverat, incustoditam urbem ceperunt.

7. Epaminondas Thebanus, in Arcadia, die festo, effuse extra, mœnia vagantibus hostium feminis, plerosque ex militibus suis muliebri ornatu immiscuit: qua simulatione illi intra portas sub noctem recepti, ceperunt oppidum, et suis aperuerunt.

8. Aristippus Lacedæmonius, festo die Tegeatarum, quo omnis multitudo, ad celebrandum Minervæ sacrum, urbe egressa erat, jumenta saccis frumentariis, palea refertis, onusta Tegeam misit, agentibus ea militibus: qui negotiatorum specie inobservati, portas aperuerunt suis[9].

9. Antiochus, in Cappadocia, ex castello Suenda[10], quod obsidebat, jumenta frumentatum egressa intercepit; occisisque calonibus, eorumdem vestitu milites suos, tanquam frumentum reportantes, submisit. Quo errore illi, custodibus deceptis, castellum intraverunt, admiseruntque milites Antiochi.

10. Thebani, quum portum Sicyoniorum nulla vi redigere in potestatem suam possent, navem ingentem armatis compleverunt, exposita super merce, ut ne-