nem accipere non posset, filium suum Sextum Tarquinium, cæsum virgis, ad hostem misit. Is, incusata patris sævitia, persuasit Gabinis, odio suo adversus regem uterentur: et dux ad bellum electus, tradidit patri Gabios[15].
4. Cyrus[16], Persarum rex, suum comitem Zopyrum, explorata ejus fide, truncata de industria facie, ad hostes dimisit. Ille, assentante injuriarum fide, creditas inimicissimus Gyro, quum hanc persuasionem adjuvaret procurrendo propius, quoties acie decertaretur, et in eum tela dirigendo, commissam sibi Babyloniorum urbem tradidit Cyro.
5. Philippus oppido Saniorum[17] exclusus, Apollonio præfecto eorum, ad proditionem corrupto, persuasit ut plaustrum, lapide quadrato oneratum, in ipso aditu portæ poneret. Confestim deinde signo dato insequutus, oppidanos circa impedita portæ claustra trepidantes oppressiit.
6. Hannibal apud Tarentum, quæ a præsidio Romano, duce Livio, tenebatur, Cononeum[18] quemdam Tarentinum, quem ad proditionem sollicitaverat, ejusmodi fallacia instruxit, ut ille per causam venandi noctu procederet, quasi id per hostem interdiu non liceret. Egresso ipsi apros subministrabant, quos ille tanquam ex captura Livio offerret; idque quum sæpius factum esset, et ideo minus observaretur, quadam nocte Hannibal, venatorum habitu, Pœnos comitibus ejus immiscuit: qui quum onusti venatione, quam ferebant,
