Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/226

E Wikisource
Haec pagina emendata est
224
STRATEGEMATICON LIB. III.

cos centuriones, quibus perfectissimos cum velocissimis militibus æneatores immiscuerat, misit, capite pedibusque nudis, ut prospectus nisusque per saxa facilior foret, scutis gladiisque a tergo aptatis. Hi Ligure duce, et loris et clavis, quibus in ascensu nitebantur, adjuti, quum ad posteriora, et ob id vacua defensoribus, castelli pervertissent, concinere et tumultuari, ut præceptum erat, cœperunt. Ad quod constitutum Marius constantius adhortatus suos, acrius instare castellanis cœpit: quos ab imbelli multitudine suorum revocatos[37], tanquam ab tergo capti essent, insequutus, castellum cepit.

4. L. Cornelius consul complura Sardiniæ cepit oppida, dum firmissimas partes copiarum noctu exponit, quibus præcipiebat, delitescerent, opperirenturque tempus, quo ipse naves appelleret; occurrentibus deinde adventanti hostibus, et ab ipso per simulationein fugæ longius ad persequendum avocatis, illi in relietas ab his urbes impetum facerent.

5. Pericles, Atheniensium dux, quum oppugnaret quamdam civitatem, magno consensu defendentium tutam, nocte ab ea parte murorum, quæ mari adjacebat, classicum cani, damoremque attolli jussit. Hostes penetratum illac oppidum rati, reliquerunt portas: per quas Pericles, destitutas præsidio, irrupit.

6. Alcibiades, dux Atheniensium, Cyzicum[38], oppugnandi ejus causa, nocte improvisus accessit, et diversa parte mœnium cornicines canere jussit. Sufficere