doliis secunda aqua Vulturni fluminis demittebant, ut ab obsessis exciperetur. Quibus quum objecta per medium amnem catena[65] Hannibal obstitisset, nuces sparsere: quæ quum, aqua ferente, ad oppidum defluerent, eo commeatu sociorum necessitatem sustentaverunt.
3. Hirtius Mutinensibus, obsessis ab Antonio, salem, quo maxime indigebant, cupis conditum, per amnem Scultennam intromisit.
4. Idem pecora secunda aqua demisit: quæ excepta sustentaverunt necessariorum inopiam.
1. Romani, quum a Gallis Capitolium obsideretur, in extrema jam fame panem in hostem jactaverunt: consequutique, ut abundare commeatibus viderentur, obsidionem, donec Camillus subveniret, toleraverunt[66].
2. Athenienses ad versus Lacedæmonios idem fecisse dicuntur.
3. Hi, qui ab Hannibale Casilini obsidebantur, ad extremam famem pervenisse crediti, quum etiam herbas alimentis eorum Hannibal, sæpe arato loco, qui erat inter castra ipsius et mœnia, præriperet, semina in præparatum locum jecerunt: consequuti, ut habere viderentur, quo victum sustentarent usque ad satorum proventum[67].
4. Reliqui ex Variana clade, quum obsiderentur,
