adortis castra ejus, simulato timore militem diu continuit: deinde fatigalo jam hoste, quatuor portis eruptione facta, stravit cepitque Ligures[73].
3. Velius[74] præfectus Romanorum, arcem Tarentinorum tenens, misit ad Hasdrubalem legatos, uti abire sibi incolumi liceret. Ea simulatione ad securitatem perductum hostem, eruptione facta, cecidit.
4. Cn. Pompeius, circumsessus ad Dyrrachium, non tantum obsidione liberavit suos, verum etiam post eruptionem, quam opportune et loco et tempore fecerat, Cæsarem ad castellum[75], quod duplici munitione instructum erat, avide irrumpentem, exterior ipse circumfusus corona obligavit, ut ille inter eos quos obsidebat, et eos qui extra circumvenerant, medius, non leve periculum et detrimentum senserit.
5. Flavius Fimbria, in Asia, apud Rhyndacum [76], adversus filium Mithridatis, brachiis ad latere ductis, deinde fossa in fronte percussa, quietum in vallo militem tenuit, donec hostilis equitatus intraret angustias munimentorum: tunc, eruptione facta, sex millia eorum cecidit.
6. C. Cæsar in Gallia[77] deletis ad Ambiorige Titurii Sabini et Cottæ legatorum copiis, quum a Q. Cicerone, qui et ipse oppugnabatur, certior factus cum duabus legionibus adventaret, conversis hostibus, me-
