Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/254

E Wikisource
Haec pagina emendata est
252
STRATEGEMATICON LIB. III.

XVIII. De constantia obsessorum.

1. Romani, assidente mœnibus Hannibale, ostentandæ fiduciæ gratia, supplementum exercitibus quos in Hispania habebant, diversa porta miserunt[79].

2. Iidem agrum, in quo castra Hannibal habebat, defuncto forte domino, venalem ad id pretium licendo perduxerunt, quo is ager ante bellum venierat.

3. Hi, dum ab Hannibale obsidentur, et ipsi obsederunt Capuam, decreveruntque[80] ne, nisi capta ea, revocaretur inde exercitus.