sario civitatem imperata facturam. Camillus non solum sprevit perfidiam, sed et restrictis post terga manibus magistrum virgis agendum ad parentes tradidit pueris: adeptus beneficio victoriam, quam fraude non concupierat. Nam Falisci ob hanc justitiam sponte ei se dediderunt.
2. Ad Fabricium, ducem Romanorum, medicus Pyrrhi, Epirotarum regis, pervenit, pollicitusque est, daturum se Pyrrho venenum, si merces sibi, in qua operæ pretium foret, constitueretur. Quo facinore Fabricius egere victoriam suam non arbitratus, regi medicum detexit[47]: atque ea fide meruit, ut ad appetendam amicitiam Romanorum compelleret Pyrrhum.
1. Cn. Pompeius[48], minantibus direpturos pecuniam militibus, quæ in triumpho ferretur, Servilio et Glaucia cohortantibus, ut divideret eam, ne seditio fieret, affirmavit non triumphaturum se, sed potius moriturum, quam licentiæ militum succumberet: castigatisque oratione gravi laureatos fasces objecit, ut ab illorum inciperent direptione. Eaque invidia redegit eos ad modestiam.
2. C. Cæsar, seditione in tumultu civilium armorumfacta, quum maxime tumentibus animis legionem totam exauctoravit, ducibus seditionis securi percussis: mox
