facile præstiterunt Lacedæmonii, ne unius interitum multorum morte pensarent.
11. L. Furius, exercitu producto in locum iniquum, quum constituisset occultare sollicitudinem suam, ne reliqui trepidarent, paulatim se inflectens, tanquam circuitu majore hostem aggressurus, converso agmine, ignarum rei, quæ agebatur, exercitum incolumem reduxit.
12. Metellus Plus in Hispania interrogatus quid postera die facturus esset, « Tunicam meam, si id cloqui posset, inquit, comburerem[11]. »
13. M. Licinius Crassus percontanti, quo tempore castra moturus esset, respondit : « Vereris ne tubam non exaudias[12]? »
1. Scipio Africanus, capta occasione[13] mittendæ ad Syphacem legationis, cum Lælio servorum habitu tribunos et centuriones electissimos ire jussit, quibus curæ esset, perspicere regias vires. Hi, quo liberius castrorum positionem scrutarentur, equum de industria dimissum, tanquam fugientem persectati, maximam partem munimentorum circuierant. Quæ quum nuntiassent, incendio confectum est bellum.
2. Q. Fabius Maximus bello Hetrusco, quum adhuc incognitæ forent Romanis ducibus sagaciores explorandi viæ, fratrem Fabium Cæsonem, peritum linguæ He-
