Lacedæmonii communissent, et frequentius vexarentur, classem, qua Peloponnesum infestarent, miserunt; consequutique sunt, ut exercitus Lacedæmoniorum, qui erat Deceliæ, revocaretur.
10. Imperator Cæsar Domitianus Augustus, quum Germani more suo e saltibus et obscuris latebris subinde impugnarent nostros, tutumque regressum in profunda silvarum[28] haberent, limitibus per centum viginti millia passuum actis, non mutavit tantum statuai belli, sed subjecit ditioni suæ hostes, quorum refugia nudaverat[29].
1. Æmilius Paullus consul quum in Lueanos juxia litus angusto itinere exercitum duceret, et Tarentini ei classe insidiati, agmen ejus scorpionibus aggressi essent[30], captivis latera euntium prætexuit, quorum respectu hostes inhibuere tela.
2. Agesilaus Lacedæmonius, quum præda onustus ex Phrygia rediret, insequerenturque hostes, et ad locorum opportunitatem lacesserent agmen ejus, ordinem captivorum ab utroque latere exercitus sui explicuit : quibus dum parcitur ab hoste, spatium transeundi habuerunt Lacedæmonii.
3. Idem, tenentibus angustias Thebanis, per quas transeundum habebat, flexit iter, quasi Thebas contenderet. Exterritis Thebanis , digressisque ad tutanda mœ-
