Pagina:Frontin - Les Stratagèmes - Aqueducs de la ville de Rome, trad Bailly, 1848.djvu/72

E Wikisource
Haec pagina emendata est
70
STRATEGEMATICON LIB. I.

lictos Samnites Gallosque Fabius et collega Decius aggressi, vicerunt.

4. M’. Curius adversus Sabinos, qui ingenti exercitu conscripto, relictis finibus suis nostros occupaverant, occultis itineribus, manum misit, quæ desolatos agros eorum, vicosque per diversa incendit. Sabini ad arcendam domesticam vastitatem recesserunt. Curio contigit et vacuos infestare hostium fines, et exercitum sine prœlio avertere, sparsumque cædere.

5. T. Didius, paucitati suorum diffidens, quum in adventum earum legionum quas exspectabat, traheret bellum, et occurrere eis hostem comperisset, concione advocata, aptari jussit milites ad pugnam, ac de industria negligentius custodiri captivos; ex quibus pauci, qui profugere, nuntiaverunt suis, pugnam imminere. At illi, ne suspectione prœlii diducerent vires, omiserunt occurrere eis, quibus insidiabantur. Legiones tutissime, nullo excipiente, ad Didium pervenerunt.

6. Bello Punico quædam civitates, quæ a Romanis deficere ad Pœnos destinaverant, quum obsides dedissent, quos recipere, antequam desciscerent, studebant, simulaverunt seditionem inter finitimos ortam, quam Romanorum legati dirimere deberent, missosque eos, velut contraria pignora, retinuerunt, nec ante reddiderunt, quam ipsi recuperarent suos.

7. Legati Romanorum, quum missi essent ad Antio-