Pagina:Gallia Christiana, 1715, T1.djvu/56

E Wikisource
Haec pagina emendata est
43
44
ECCLESIA ALBIENSIS

ANNI CHRISTI.
Clarum veneratione, hanc capellam ſancto martyri dicavit, & in ea miſſam qualibet feria iv. hora ſeſqui-octava prævio campanarum pulsu per dominos canonicos alternatim, inſervientibus duobus chori pueris celebrandam fundavit, qua finita ſacerdos & miniſtri pſalmum de profundis cum abſolutionibus & orationibus pro defunctis recitabunt, ut in inſtrumento fundationis declaratur. Fundavit inſuper quod diaconus quotidie ad miſſam conventualem, dum fit commemoratio vivorum, & poſt fundatoris obitum ad commemorationem defunctorum cantabit ; Memento Domine famuli tui Caroli, & chorus unanimi voce respondebit ; Amen. Anno Domini mdcc. die xi. Octobris.

Mortuo denique cardinali Bonzio archiepiſcopo Narbonenſi, pro hoc archiepiſcopatu accepit ſchedulam regiam die 15. menſis Auguſti, anno 1703. Reliqua quæ ad hunc illuſtriſſimum


ANNI CHRISTI.
Aarchipræſulem ſpectant adjiciemus, quando de Narbonenſibus primatibus agendum erit.
De Nesmond
III. Henricus.
Henricus de Nesmond ex epiſcopo Montalbanenſi anno 1703.1703. die 15. Auguſti deſignatur archiepiſcopus Albienſis. Adfuit comitiis generalibus cleri Gallicani anno 1710. quo etiam anno die 30. Junii adlectus eſt quadraginta viris academiæ Francicæ, in locum illuſtriſſimi viri Spiritus Flechier epiſcopi Nemauſenſis, cui eruditione & eloquentia non est impar. Anno ſequenti, cum ad alia comitia generalia conveniſſet, Bdie 12. Julii orationem habuit ad regem Chriſtianiſſimum, totius cleri Gallicani nomine, in qua elucet cum ſolita eloquentia epiſcopalis libertas in exponendis cleri Gallicani ſecundi & inferioris ordinis calamitatibus. Adhuc præeſt, utinamque præſit ad longos annos.




PRÆPOSITI ALBIENSES.


EBraldus vel Epraldus anno 10. regnante Lothario rege, menſe Martio, teſtamentum condidit, quod infra exhibemus in Bernardo episcopo. Vide inter inſtrumenta chartam IV. Annus autem decimus Lotharii eſt annus Chriſti 963. aut 964.

Adalbertus præpoſitus tempore Amelii epiſcopi. Vide chartam VI. de conſtructione pontis temporibus Amelii.

Pontius præpoſitura fungebatur ſub Amblardo epiſcopo, hoc eſt circa 990.

Pontius ſub Frotardo I. & Guillelmo epiſcopis, regnantibus Henrico & Philippo regibus. Memoratur in charta X. de reformatione eccleſiæ Albienſis anno 1079.

Bernardus Stephani reperitur præpoſitus inD vetuſto inſtrumento abſque ulla temporis nota. Commemoratur in notitia de Viancio, cujus meminimus in Frotardo I. ex quo colligitur eum vixiſſe ſub Guillelmo Pictavino epiſcopo.

Raimundus anno 1130. bullam protectionis obtinuit ab Innocentio II.

Ex tab. S. CæciliæAmblardus, cui Rigaldus epiſcopus factas a deceſſoribus donationes confirmavit.

Willelmus præpoſitus Albienſis anno 1144. ſubſcribit cum Rigaldo epiſcopo Albienſi chartæ Hatonis de Garenzas, &c. concedentium quaſdam decimas Moiſſiaco. Vide in Rigaldo epiſcopo.

Guillelmus 1160.

Guillelmus Petri 1175. & 1177. in recognitionibus. Anno 1177. Guillelmus Vordas ipſi & capitulo dedit omne jus quod habebat in leida carnis Albienſis. Comparet etiam in charta Candelienſi anno 1183.

Veſianus Ichardi (Eſcharts) præpoſitus in inſtrumento Guillelmi Petri epiſcopi de modo puniendi eos qui armis in aliquem animadverterent anno 1188. Subſcribit chartæ Guillelmi Petri epſcopi, qua reddit capitulo ſancti Salvii facultatem ſibi præpoſitum eligendi. Vide inter inſtrumenta chartam XV.


Ademarus Guillelmi anno 1195 tranſigit cum Vitali Rogerii. Memoratur anno 1196. in Clitteris Guillelmi Petri epiſcopi Albienſis, quibus capitulo ſuo eccleſiam de Lingars concedit. Anno 1202. nonis Auguſti, nomine capituli, omnia jura eccleſiæ ac cœmeterii ſanctæ Martianæ dono recipit a Guillelmo Oalrici. Cum Geraldo abbate Aureliacenſi compoſuit an. 1204. Summa autem compoſitionis fuit quod Guillelmus epiſcopus volens abbatiam Viancenſem ab Aureliacenſium subjectione liberare, ceſſit abbati eccleſias beatæ Mariæ & beati Petri de Laval, eccleſiam beati Mauricii de Calm, & eccleſiam ſancti Nazarii, salvis ſynodis & paratis in eccleſia de Calm tantum, & procuratione epiſcopi in aliis. Abbas vero dimiſit, & penitus renuntiavit omnibus quæ ipſe & monachi Aureliacenſes habebant, vel habere debebant in ecclesia Viancenſi, & in omnibus pertinendis, & quidquid pro ecclesia Viancenſi a præfato præpoſito & canonicis Albienſibus exigere poterant. Fato functus eſt anno 1205.

GuillelmusEx tab. Eccl. Alb. Petri epiſcopus Albienſis poſt mortem Ademari ab univerſo capitulo ut optimus paſtor eligitur ſanctæ Cæciliæ præpoſitus, anno 1205. menſe Novembri. Anno 1206. paciſcitur cum Joanne Botet præceptore hoſpitalis del Vigua. Cum P. abbate Caſtrensi ſocietatem iniit E1208. Eidem Bernardus Juvenis & Bego ejus frater reſtituunt quod injuste poſſidebant in capellania beatæ Mariæ de Ambileto 1211. menſe Julio. Poſtea vero præpoſituram epiſcopatumque ſponte dimiſit.

Raimundus de Fraxinello, cui anno 1226. Guillelmus epiſcopus concedit eccleſias ſanctæ Mariæ de la Dreca & ſancti Salvatoris d’Avezac. Anno 1227. Ibid.xvi. cal. Septembris, quædam permutat jura cum Guillelmo epiſcopo. Idem Raimundus interfuit electioni Duranti Albienſis epiſcopi 1228. Plures eccleſias a Guillelmo Petri capitulo conceſſas, Duranto epiſcopo inde conquerenti ſponte reſtituit. An 1230. xvii.