DE
FORMIS AEQUATIONIBUSQUE INDETERMINATIS SECUNDI GRADUS.
In hac sectione imprimis de functionibus duarum indeterminatarum , , huius formae ubi , , sunt integri dati, tractabimus, quas formas secundi gradus sive simpliciter formas dicemus. Huic disquisitioni superstruetur solutio problematis famosi, invenire omnes solutiones aequationis cuiuscunque indeterminatae secundi gradus duas incognitas implicantis, sive hae incognitae valores integros sive rationales tantum nancisci debeant. Problema hoc quidem iam ab ill. La Grange in omni generalitate est solutum, multaque insuper ad naturam formarum pertinentia tum ab hoc ipso magno geometra tum ab ill. Eulero partim primum inventa, partim, a Fermatio olim inventa, demonstrationibus munita. Sed nobis acriter formarum perquisitioni insistentibus tam multa nova se obtulerunt, ut totum argumentum ab integro resumere operae pretium duxerimus, eo magis, quod Virorum illorum inventa, multis locis sparsa, paucis innotuisse experti sumus; porro quod methodus, per quam haec tractabimus, nobis ad maximam partem est propria; tandem
