Haec pagina emendata est
Aegida qui[1] dextra retines; nixamque cothurnis
Auratis te, Iuno argiva[2]; oculoque Minervam
Caeruleo insignem[3] Iovis ipso e vertice gnatam,
Phoebumque, et iaculis gaudentem arcuque Dianam ;
15Neptunumque undis qui terram amplectitur omnem
Concutiens motu vasto, Themidisque verendae
Numen, et ardentes oculorum Cypridis ictus[4],
Auratoque Heben serto, pulcramque Dionen,
- ↑ 11 Aegida qui etc. Iupiter dictus est Αἰγίοχος, quod a capra enutritus, e cuius pelle Aegis postea compacta, horrendum nempe Iovis scutum, quo et Minerva utitur, iuxta illud Virgilii:
Aegida terrificam turbatae Palladis arma etc.
Sed hac de re etiam alibi. - ↑ 12 ... te, Iuno argiva; etc. In Argo potissimum Iuno colebatur, passimque eadem a poëtis argiva dicitur. Hinc Horatius Od. vii inquit:
Plurimus in Iunonis honorem
Aptum dicit equis Argos etc. - ↑ 13 Caeruleo insignem etc. Nempe γλαυκῶπιν, quod est glaucis oculis intuentem. Porro glaucum caeruleum ac caesium idem ferme sonat apud latinos poëtas, quum de oculorum colore sermo est, licet aliqui discrimen agnoscant.
- ↑ 17. . . . . oculorum Cypridis ictus, etc. ἑλικοβλέφαρον Clericus interpretatur volubilibus palpebris id est paetam, ut latini vocabant Venerem; additque lasciviae esse indicium nictare frequenter et signum amantium. Scholiastes autem docet esse metaphoram desumptam ἀπὸ τῶν ἐν ταῖς ἀμπέλοις ἑλίκων. Guietus ita dictam existimat, quod Venus in arcum sinuata habeat supercilia. Sed quidquid sit de voce, ego rem ipsam satis apte, opinor, explicavi.
