celeriter creſcens & recreſcens abſciſſa. Cæterum uſurpatur ab Indigenis pro lignis ad parietes ædium: excavatur etiam atque impletur aqua à viatoribus ad itinera agenda per loca deſerta & inaquoſa.
Vvba Braſilianis dicta, Naſthos Græcis, Arundo Sagittaria: itidem in viginti aut plurium pedum aſſurgit altitudinem. Caudex illius rectus, inferius ad trium aut quatuor pedum altitudinem quaſi lignoſus & durus, reliqua parte ſpongioſus & lævis: inferius albicantis flavi coloris, ſuperius plane viridis. Craſſities ejus inferius quatuor aut quinque digitorum; ſuperius digitum auricularem æquat. Verſus inferiorem partem habet folia quaſi convoluta, ſuperius recta & plane lævis, atque ex hac fiunt ſagittæ. Caulis habet interdum unum atque altorum ramum. Tredecim aut quatuordecim pedum altitudine à terra, per trium circiter pedum longitudinem, veſtitur foliis arundinaciis. anguſtis, & pene ſex pedes longis. Supra horum foliorum finem cirgiter duos pedes, rurſus lævis eſt & ſine foliis.
_BHL289097_(cropped).jpg)
Meerv Braſilianis dicta, Canna Indica Car. Cluſ. Rar. pl. Hiſtor. lib. iv. cap. 54. in octo aut decem pedum aſſurgit altitudinem, caule arundinoſo, ſucculento, viridi, digit. craſſo; quem per intervalla ambiunt folia ſolitarie poſita quatuοr aut quinque digit. etiam ſeſquipedem longa, decem aut undecim digitos lata, ſimilia foliis Paco. Superius habet caulis tres aut quatuor ramos, qui multos ferunt flores, tribus foliis linguiformibus conſtantes, circiter duos digit. longis, erectis, quæ circumdantur ab aliis foliis acuminatis & convolutis; in medio autem ſunt duo anguſta, paululum contorta, atque in horum medio adhuc unum folium inſtar ligulæ, habens ad latus ſtamen fuſcum in quadam prominentia. Flos eſt inodorus, coloris ignei. Poſt flores ſequitur fructus, nimirum corpus oblongum, teres, in tres exedras extuberans, echinatum, inſtar fructus Ricini, coloris viridis, at ex parte rubeſcentis: quum vero ſemen intus maturum eſt, tunc nigricat: dividitur interius in tres cellulas, habens in qualibet, ut plurimum, duodecim grana ſeminis, magnitudine piſorum, rotunda, lævia, nigra, & duriſſima: malleo contuſa continent intus duriſſimam ſubſtantiam albam, quæ cavitatem intra ſe habet inſtar vitri vinarii & in cavitate illa corpuſculum inſtar vermiculi caſei, ex quo progerminatio ſit, ex hoc ſemine vulgo corollæ precariæ fiunt. Radix humanam craſſitiem acquirit, longa, ſplendide ex albo flaveſcens, inſtar cepæ ſquamas habens ruffas, atque ſucculenta: per intervalla autem hinc inde habet tubera ſeu prominentias faſtigiatas unde novos profundit caules, nam perennat hæc planta.
Annotatio. Hæc Planta ut bene obſervat Car. Cluſius loco ab Auctore citato hyemem noſtram ægerrime admodum patitur, diligentia tamen haud difficulter etiam in noſtra Batavia conſervari interdum poteſt, & vidimus utramque ſpeciem nonnunquam florentem, atque radice ſe propagantem, ſed ante primum frigus in hypocauſtum transferenda eſt, nam
