Pagina:Horace - Œuvres, trad. Leconte de Lisle, I.djvu/104

E Wikisource
Haec pagina emendata est



     Delenit usus, nec Falerna
          Vitis, Achæmeniumque costum ;
Cur invidendis postibus, et novo
Sublime ritu moliar atrium ?
     Cur valle permutem Sabina
          Divitias operosiores ?




AD PUBEM ROMANAM.


Angustam amice pauperiem pati
Robustus acri militia puer
     Condiscat, et Parthos feroces
          Vexet eques metuendus hasta,
Vitamque sub divo et trepidis agat
In rebus. Illum ex mœnibus hosticis
     Matrona bellantis tyranni
          Prospiciens, et adulta virgo