Pagina:Horace - Œuvres, trad. Leconte de Lisle, I.djvu/127

E Wikisource
Haec pagina emendata est



Ventis ? et positas ut glaciet nivis
               Puro numine Jupiter ?
Ingratam Veneri pone superbiam,
Ne currente retro funis eat rota :
Non te Penelopen difficilem procis
               Tyrrhenus genuit parens.

O, quamvis neque te munera, nec preces,
Nec tinctus viola pallor amantium,
Nec vir Pieria pelice saucius
               Curvat ; supplicibus tuis

Parcas, nec rigida mollior æsculo,
Nec Mauris animum mitior anguibus !
Non hoc semper erit liminis aut aquæ
               Cælestis patiens latus.