Pagina:Horace - Œuvres, trad. Leconte de Lisle, I.djvu/47

E Wikisource
Haec pagina emendata est



Nec tibi somnos adimunt ; amatque
          Janua limen,
Quæ prius multum facilis movebat
Cardines. Audis minus et minus jam :
« Me tuo longas pereunte noctes,
          Lydia, dormis ? »
Invicem mœchos anus arrogantes
Flebis, in solo levis angiportu,
Thracio bacchante magis sub inter-
          lunia vento ;
Cum tibi flagrans amor et libido,
Quæ solet matres furiare equorum,
Sæviet circa iecur ulcerosum,
          Non sine questu,
Læta quod pubes hedera virenti
Gaudeat pulla magis atque myrto,
Aridas frondes hiemis sodali
          Dedicet Hebro.