Pagina:Horace - Œuvres, trad. Leconte de Lisle, II.djvu/105

E Wikisource
Haec pagina emendata est


Campana solitus trulla, vappamque profestis,
Quondam lethargo grandi est oppressus ; ut hæres
Jam circum loculos et clavis lætus ovansque
Curreret. Hunc medicus, multum celer atque fidelis
Excitat hoc pacto : mensam poni jubet, atque
Effundi saccos nummorum, accedere plures
Ad numerandum. Hominem sic erigit. Addit et illud :

M e d i c u s.

Ni tua custodis, avidus jam hæc auferet hæres.

O p i m i u s.

Men' vivo ?

M e d i c u s.

                   Ut vivas igitur, vigila : hoc age.