Gemma Florum spicæ sunt albesentes parum flavæ ac dein magis & magis flavescentes, glabræ & nitentes, aliæ planiores, aliæ rotundiores parvis & flavo-albicantibus calycibus trifoliatis arcte exceptæ cum in capsis sunt densè ad se invicem consitæ, ubi autem extra capsam cum surculis erupere iis accrescentibus rariores ac transversum sitæ vel parum anteriora versus cum cuspide reflexæ, aperiuntque se in tria folia, quæ ad unam oram rotundiora sunt, & in vertice cuspidata, duriola, rigida & crassiola, habentque in medio sex stamina flava, quas oblongis, crassiolis primum surrectis, dein decumbentibus apicibus dotata sunt, ac ex unguiculis foliorum prodeunt, ac cum iis stylum brevem, crassiolum & albicantem, superne trifidum, suntque odore grato, velut lilia, licet debili: Flores postquam è Capsis eruperunt, confestim è Surculis decidunt.
Fig. 4. Fructus qui cum Floribus in capsis oblongis simul proveniunt, & infra Flores Surculis arcte insident, cum ad maturitatem pervenerunt, prægrandes sunt, suntque velut nuces constantes operimento lignoso, qui interius ad superficiem interiorem operimenti seu testæ medulla alba obducti sunt, ac intus larga cavitate quæ aquæ seu liquore repleta est: hi dum teneri sunt & ex capsa cum spicis erumpunt, forma rotundi sunt colore flavo-albicantes & calyce flavo-albicante, qui ex rotundis foliis mutuò circumvolutis constat, arctè & in totum obducti, intus sub corticibus quibus circumteguntur carne densa albicante, nulla cavitate dotati, postmodum verò cum ætate increscentes forma oblongo-angusta sunt in longitudine maxime aucti, minus verò in latum, in cortice exteriùs cum nitore viridescentes, calycis foliis ex quibus cum superna parte emicant ex rufo rubescentibus, proditque se in iis primum nota parva, oblongo-angusta, cavitatis cum majori incremento introducendæ in ima parte seu ad exortum fructus, antequam autem cavitas se offert, fructus hi teneri Malabaribus Bellacà, Lusitanis Coquinhos, cavitate autem jam introducta Fructus primum sola aqua repleti sunt ac tum dicti Malabaribus Caricù, Lusitanis Caricà; absoluto verò cavitatis incremento postquam omni sua repleti aqua sunt medulla ad interiorem operimenti superficiem obducuntur.
Fig. 3. Quod ad cavitatem notandum, eam in teneris fructibus valde oblongo-angustam esse ac cum fructibus primùm in longitudinem magis increscere; minus verò in latum, esseque circumscriptam forma ovali, cujus angulus acutior versus summitatem fructus situs est, in fructibus autem vetustioribus adformam ellipticam seu rotundam accedere: est autem medulla Fructus, quæ ad certum temporis intervallum augescit expetita in eduliis, primùm tenera & albicans ac subcœrulea, sapore dulci ac grato, minimè verò oleoso, dein albicans ac magis magisque indurescens, cùm dura sapore nucis, ac
