Pagina:MAXEY, Mima; FAY, Marjorie - A New Latin Primer (1933).pdf/75

E Wikisource
Haec pagina nondum emendata est
LESSON XXXII

Legiō est pars exercitūs sed legiō ipsa in multās partēs divīsa est. Imperātor tōtum exercitum dūcit; lēgātus legiōnem dūcit. Vir qui ūnam ex partibus legiōnis dūcit est centuriō. Temporibus antīquis illa pars quam centuriō dūxit circiter centum mīlitēs habēbat. Posteā eadem pars nōn tam multōs mīlitēs habēbat. Ōlim lēgātus et centuriō in eōdem proeliō pugnābant. Proelium erat grave quod locus ubi legiō stābat erat inīquus et legiō sine perīculō ad hostēs prōcēdere nōn poterat. Hostēs quī erant in locō idōneō, in summis montibus, exspectābant. Post legiōnem et ante legiōnem erant hostēs. In locō inīquo inter montēs manēbat lēgātus et cum mīlitibus exspectābat. Mediā nocte hostēs ā tergō castra oppugnābant. Ante castra hostēs stābant. Lēgātus prōcēdere nōn audēbat. Tandem lēgātus graviter vulnerātus est et ab hostibus captus est. Nōn iam in castrīs suis lēgātus manēbat, sed cum hostibus in castrīs labōrābat. Sed comes lēgāti, centuriō bonus, legiōnem ad proelium novum excitāvit. Necesse est lēgātum nostrum ab hostibus servāre,” inquit centuriō. “Ego nocte ad castra hostium modō agricolae Tbō. Modō socit hostium ībō et auxilium rogābō. Nēmō mē esse hostem sciet. Ita dicam: Agrī mei ab legiōne vāstantur. Tēctum meum paene dēlētum est. Auxilium postulō. Legiō nōn est parāta et vōs nōn exspectat. Ego et cīvēs reliqui vōbīscum eam oppugnābimus.' Tum hostēs ad castra nostra prōcēdent et vōs eritis parātr. Celeriter oppugnāte et omnēs hostēs aut graviter vulnerābuntur aut interficientur.” Ita centuriō dixit. Ita cōnsilia sua cēpit.