Pagina:Marcus Terentius Varro - De Lingua Latina - ex Typographeo Adami Sartorii - 1605.djvu/229

E Wikisource
Fuit in emendando quaedam difficultas
223
NONVS.

ciutas, non est idem, sed vtrumque ab eodem, ac coniunctum. Sic analogon, & analogia idem non est, sed item est congeneratum. Quare, si homines substuleris, sodales sabstuleris: si sodales, sodalitatem. Sic item si substuleris λόγον, substuleris analogon, si id, analogiam: quæ cum inter se tanta sint cognatione, debebit subtilius audiri, quàm dici expectari; id est, cum dixero quid de vtroque, & erit commune, ne expectes, dum ego in scribendo transferam in reliquum, sed vt potius tu persequare animo, vt in numeris, si contuleris cum vno duo, sic cum decẽ viginti. Nam quam rationẽ duo ad vnum habent, eandem habent viginti ad decem. In nummis sic est ad vnum victoriatũ denarius, sicut ad alterum victoriatum alter denarius. Sic item in aliis rebus omnibus proportione dicuntur, in quo est quadruplex natura, vt in progenie, vt est filius ad patrem, sic est filia ad matrem: & vt est in temporibus meridies ad diem. sic media nox ad noctem.

Hoc poëtæ genere in similitudinibus vtuntur: multum hoc acutissimè geometræ: hoc in oratione diligentius, quàm alij ab Aristarcho grammatici, vt cum dicunt proportione similia esse amorẽ amori, dolorem dolori.

Cum