Pagina:Missale Romanum 1962.pdf/18

E Wikisource
Haec pagina emendata est
126. Demum adhibetut color ruber, dominica II Passionis seu in palmis, ad benedictionem et processionem ramorum.
D) De colore viridi
127. Color viridis adhibetur in Officio et Missa de Tempore:
a) a die 14 ianuarii usque ad sabbatum ante Septuagesimam;
b) a feria II post dominicam I post Pentecosten, usque ad sabbatum ante Adventum.
Excipiuntur feriæ Quatuor Temporum mensis septembris et vigiliæ II et III classis, extra tempus paschale.
E) De colore violaceo
128. Color violaceus adhibetur in Officio et Missa de Tempore:
a) a dominica I Adventus usque ad vigiliam Nativitatis Domini inclusive;
b) a dominica in Septuagesima usque ad Vigiliam paschalem, exceptis: benedictione et processione ramorum in dominica II Passionis; Missa sive chrismatis sive in Cena Domini feria V Hebdomadæ sanctæ; Actione liturgica feria VI in Passione et Morte Domini usque ad Communionem exclusive; necnon cantu prxconii paschalis, pro diacono, et renovatione promissionum Baptismatis, pro celebrante, in Vigilia paschali;
c) in feriis Quatuor Temporum mensis septembris;
d) in vigiliis II et III classis extra tempus paschale.
129. Missæ votivæ, quæ colorem violaceum requirunt, sunt:
a) Pro Fidel propagatione;
b) Pro Ecclesiæ defensione;
c) Pro unitate Ecclesiæ;
d) Tempore belli;
e) Pro pace;
f) Pro vitanda mortalitate;
g) Pro remissione peccatorum;
h) Pro peregrinantibus et iter agentibus;
i) Pro infirmis;
l) Ad postulandam gratiam bene moriendi;
m) Pro quacumque necessitate.
130. Adhibetur color violaceus etiam:
a) ad processionem et Missam in Litaniis maioribus et minoribus;
b) ad benedictionem cinerum;
c) ad Communionem in Actione liturgica feriæ VI in Passione et Morte Domini;
d) in Missis de Commemoratione omnium Fidelium defunctorum, quæ celebrantur tempore expositionis Ssm̃i Sacramenti pro oratione Quadraginta Horarum.
131. Paramenta coloris rosacei adhiberi possunt, dominica III Adventus et dominica IV Quadragesimæ, sed in Officio et Missa diei dominici tantum.
F) De colore nigro
132. Nigro colore utendum est:
a) in Actione liturgica feriæ VI in Passione et Morte Domini, usque ad Communionem exclusive;
b) in Officiis ac Missis defunctorum, excepto casu de quo supra, n. 130 d.
XIX - De usu et qualitate paramentorum
133. In Missa, saccrdos celebrans semper utitur planeta seu casula.
134. Episcopus, et alii qui usu Pontificalium gaudent, si solemniter celebtant, planetam induunt super dalmaticam et tunicellam.
Item, planetam super dalmaticam et tunicellam induit Episcopus, etiam in Missa lecta:
a) in consecratione Episcopi;
b) in collatione sacrorum Ordinum;
c) in benedictione Abbalis;
d) in benedictione Abbatissæ;
e) in benedictione et consecratione Virginum;
f) in consecratione ecclesiæ et altaris.
Attamen Episcopus aliique de quibus supra, ex rationabili causa, a sumenda tunicella et dalmatica subter planetam abstinere possunt.
135. Pluviale adhibetur:
a) in Officio Laudum et Vesperarum, quando solemniter dicuntur;
b) in benedictionibus quæ fiunt ad altare;
c) in processionibus;
d) in absolutione super cadaver aut super tumulum;
e) in Missa pontificali, a presbytero assistente;
f) ad « orationes solemnes » in Actione liturgica feriæ VI in Passione et Morte Domini;
g) in Vigilia paschali.
136. Cum celebrans utitur pluviali, numquam adhibet manipulum; et si pluviale haberi non potest, in benedictionibus quæ fiunt ad altare, sacerdos stat in alba cum stola, sine planeta el manipulo.
137. Dalmatica et tunicella utuniur diaconus, respective subdiaconus, quando sacerdoti ministrant:
a) in Missa;
b) in benedictionibus ad altare;
c) in processionibus.
Attamen cum sacerdos celebrans stat sine pluviali, etiam ministri slant sine dalmatica ct tunicella.
Planetæ plicatæ et stola latior amplios non adhibentur.
II. - RUBRICÆ GENERALES BREVIARII ROMANI
(nn. 138–268)
Hic omittuntur.