M. Valetne hoc in omnibus declinationibus?
N. In omnibus sine exceptione (in omnibus pariter: sine discrimine ad omnes pertinet).
M. Quid est diphthongus?
N. Vocalis gemina, quae una vocis emissione profertur.
M. Cujus generis est diphthongus?
N. Feminini generis ut multa alia nomina Graeca v.g. paragraphus, periodus, dialectus, exodus, methodus, etc.
M. Cur dicis: ab Antonio potius quam a Antonio?
N. Quia praeceptum postulat, ut iis nominibus, quae a vocali incipiunt, propter dulcionem sonum ab, non a praeponatur.
M. Distingue illius nominis syllabas (épelez ce mot). — Barbarismus quid est?
N. Est dictio corrupta vel sono vel scriptura.
M. Quomodo fit sono barbarismus?
N. Male pronunciando v.g. docere brevi media syllaba dicendo et sexcenta ejusmodi (et mille autres).
M. Quomodo scriptura?
N. Scribendo contra praecepta grammatica vel contra usum linguae Latinae, ut vinum bonus.
M. Quomodo formatur (fit) pluralis? —
Quomodo distinguuntur quinque declinationes?
N. Terminatione Genitivi, quae est insigne proprium (le signe caractéristique) uniuscujusque declinationis (désinence).
Eo dignosci potest rosam esse primae et poema tertiae declinationis, quod ut nomen illud Genitivo ae facit, ita hoc alis.
M. Quae est ratio nominum quartae declinationis (qu'en est-il des noms de)?
N. Eorum ratio eadem est ac ceterorum.
Simillima est ratio aliorum nominum (il en est de méme de).
Eadem fere est ratio, si nomen est nomen proprium.
Eadem plerumque adjectivi est ratio (pour la plupart).
Similis in nomine collectivo ratio est.
