Çurrar H. dissolvere, corrumpere, Çurrarse corrumpi, dissolvi, dicitur de intestinis: V. Urraze, dissolvi.
Çurrapa H. Crassamen quoddam, oleo aut vino deficienti in cado, innatans.
Çuzio H. sordidus: V. Çazu, idem.
Possem & alias Alphabeti litteras percurrere & sub unaquâque earum plurimas pariter voces Hispano-Vasconicas annotare; quin etiam iis, quas supra inservi è solo ferè Vasconum Aquitanorum idiomate decerptas, haud difficilè esset plures adiicere, maximè ex iis quas Vascones Iberi cum accolis Hispanis promiscuas habent: sed dum brevitati in hoc opere studeo, cogor eas aliis investigandas relinquere. Illud interea animadverti velim, superesse etiam in iis, quæ Hispani hodierno, hoc est, Romanensi sermone expromunt, pleraque è lingua Vasconicâ, seu veteri Hispanicâ expressa, è quorum numero est vox hijo dalgo & contractè hidalgo, quâ inter Hispanos vir nobilis designatur: nam quis non videt id nominis, Vasconicæ vocis aitoren seme (quæ patris alicuius filium denotat, quasi diceres, Ait' joren seme, usurpaturque itidem apud Vascones pro viro nobili) imitationem esse? Idem observare est in quibusdam adagiis, quæ Vasconicè quidem poëticis numeris cum singulari quodam lepore & venustate sermonis concepta, Hispanicè solutâ oratione non multum eleganti reddita sunt, è quibus unum aut alterum tantum hic in exémplum proponam.
| Vasconicè | Erroya has eçac. Beguiac dedezac. |
| Hispanicè ad verbum, | Cria, corvo, sacar te ha el ojo. |
| Vascon. | Maiaz Eurite. Urte oguite. |
