& homines proprio quod audierint nomine aduocare, quos discerpant.
Moeris. Videtur adstare & aliud hienæ genus.
Circe. Ipsum idem sub actionibus diuersis agnouisses. vides quemadmodum adcurrant ad hominis excrementa, quæ si atius essent (vt nequeant attingere) suspensa: porrectu corporis lassæ interirent. Iisdem cúm homines referrent, fœdissima quæque habebantur dulcissima, & de optimis ipsum pessimum consulebatur accipere. Sicut in saccis quibus vina colantur apparet: ipsi enim vina effundentes, solas sibi retinent feces.
Moeris. Ceruorum genus istud tam celebriter cornutum?
Circe. Isti sub quorundam principum tegumento latebant, quibus si quid placebat, id procul percipiebant: si quid minus arrisisset quamtumuis clamasses non intelligebant. vt modo si arrigant aures, acutissimo pollent auditu: si demittant surdissimi sunt.
Moeris. Quid nos in elephantum prospectum adduxisset?
Circe. Hoc quod nares habebant pro manu, vel
