& spiritus turpi vecordia, & ocio consopitos quasi expergefaciens. Moderatus coitius. Propulsata tristitia & voluptate lætitia revocata. Meatuum corporis omnium purgatio. Eburneo pectine asperóque panno capitis confricatio. Leuiorum, vel lymphatorum vinorum vsus, ne venæ hiantes vini vehementia sanguinem exurant. Stomachi rebus natiuraliter vel artificialiter stipticis occlusio, ne fumositas è stomacho cibi ebullitione euaporans, mentem ingeniumque obscurans somnum excitet. A frigidis humidisque cibariis vt à piscibus in genere, cerebro, atque medullis abstinentia, non minus quam ab acutis atque fumosis porris raphanis, alleis, cæp[is]quæ igne non fuerint digesta. Rerum aromaticarum usus. Capitis atque pedum cum atque decotione, in qua Melissa, Laurifolia, Foeniculi, Camomillæ, Cannæ similiaque ferbuerint, abstersio. Pythagorica exercitatio quæ nocturno fiat crepusculo, vtpotè memoriæ menti ingenióque maxime conferens. Hæc sunt quæ memoriam possunt releuare, eaque quæ Democritus Archigene[s] Alexander & Andronicus Peripateticus literarum monumentis tradidere, non artes istæ nugatoriæ, quæ nescio quibus imaginibus & figuris solidam seiactant conflare memoriam.
Philothimvs.—Alienum sermonem, ruditu proprio conclusit; Psithacum egit venerabilis doctor, & Asinum.
Logifer.—Dixit Magister Arnophagus iuris legumque peritus, & apprime probatus, plurimos esse doctos qui eam non habent peritiam, haberentque si qua esset.
Philothimvs.—Puella ratio non adhuc dentiens: propterea denti frangibulum non adducimus.
