quatrifariam dicitur. In artificialibus ipsis, ante artificiata. In intentionibus primis, ante secundas. In principiis naturae, ante naturalia. In diuina mente, ante naturam & vniuersa. In primis dicitur technica, in secundis logica, in tertiis physica, in quartis methaphysica.
Qvædam formæ imitantur vt ex natura: veluti imago in speculo obiectæ rei formam. Quædam ex institutione: veluti figura impressa sigillum. Rursum quædam imitantur vt per se: quemadmodum pictura quæ ex intentione pictoris aliquem presentat. Quædam medio modo inter per accidens & per se: vt si fiat pictura ad presentandum quem potest presentare. Quædam veró vt forté obtigit: quemadmodum cum effigiem depictam accidit præter intentionem quempiam imitari. Quædam nec per se neque per accidens quæ ad nullum prorsus referuntur nec referri possunt imitandum, si possibile est tales esse formas. In primis est ratio maior idealis. In secundis minor. In tertiis minima, in quartis nulla.
Agens ex natura vel á casu, non ex præscripto voluntatis, non supponit ideas. Tale si esset primus efficiens: nullæ essent ideæ, & agens nullum ex arbitrio operaretur. Cæterum valeat Democritus, Empedocles & Epicurus. Si habes impossibile vt agentis ratio á quocunque separetur: & importunius ipsum id omni-
