coagmentatione dissilit, quum inter se divelluntur quæ arcte fuerant coagmentata.
Proferre. II, 163 A, Prolatus est sermo Dei, an non?
Professio, ἀπογραφή, de negotiatoribus, qui merces suas profitentur. I, 494 A, Quantum vectigalibus pereat fraude et mendacio vestrarum professionum. II, 469 B, Verum professio ejus alterius auctoritate conficitur.
Professor. II, 469 B, Nemo sibi et professor et testis est.
Profligare, magnam rei partem conficere. II, 503 B, Quanto opusculum profligatur breviter, i. e. quo magis prope est, ut hic liber absolvatur atque ad finem producatur. Ita Cic. Tusc. V, 6: Profligata jam quæstio est, et pene ad exitum adducta.
Proinde, i. q. perinde, ut ap. Cic. sæpe.
Prolatio, continuatio, duratio. II, 24 A, Omnem prolationem quærendi et inveniendi. II, 552 A, Accepit prolationis suæ officium, i. e. procreationis. II, 172 D, Me προβολὴν aliquam inducere, id est prolationem rei alterius ex altera, sublimitati et claritati aliqua prolatio.
Proma, ταμεῖον. II, 297 B, Promas tuas replesti.
Promulgare, juris publici facere et ad usum publicum traducere. I, 534 B, Qui primus cerasa ex Ponto Italiæ promulgavit.
Promulsis, vas escarium, lanx. II, 1048 B, Quingenariam promulsidem, i. e. lancem quingentarum librarum argenti.
Pronus, cum dativo. II, 234 C, Nec malo nec bono pronus.
Prope. II, 1033 A, Prope sis eamdem negare, i. e. parum absit quin neges eamdem.
Properabilis. II, 722 A, Calore properabili.
Properatum, præpropere editum, seu inchoatum et rude. II, 246 B. Vid. Hieronym., comment. in Abdiam.
Proprie. II, 664 B, Non quia spiritus proprie est, i. e. seorsim ab anima et per se.
Propudiosus, impudicus, inverecundus. II, 1042 B, Ne quid et illi de Cæsaribus vestris obmussitent, pariter propudiosis.
Prosapia significat progeniem vel familiam. Vet. gloss. prosapies, γένους καταγωγή. Prosapia, ἐκ προγόνων εὐγένεια καὶ συγγένεια.
Proscribere. II, 668 A, Faciem tamen operis frontemque materiæ de anima unusquisque proscripsit. II, 101 A, Rex Judæorum proscriptus in crucem, i. e. pronuntiatus programmate a præside provinciæ imposito. II, 1008 A, Sed incertum cui, quia nec persona, nec caussa proscribitur.
Prosecare, sacrificando Deo offerre. I, 503 A, Major ætas apud Gallos Mercurio prosecatur. I, 316 A. Aesculapio tamen gallinaceum prosecari jam in fine jubebat.
Prospecte, maxima providentia. I, 304 A, Etiam circa ipsos deos vestros, quæ prospecte decreverant patres vestri.
Prospectus. II, 98 A, Ex Apostoli prospectu, i. e. ut prospicienter statuit Apostolus.
Prosper. II, 1030 C, Tam prosperos temporum, phrasis tertullianea, ut et infra: insignes libidinum.
Prospex. I, 616, A, In ominibus augurem, in eventibus prospicem, i. e. providentem, prudentem.
Prospicere. I, 425, A, Si ad ultores transire prospexit. Sensus est: recte Cybelen cum cultu suo ad Romanos transiisse, quod sciverit, forte inde ultores Ilii prodituros. At quomodo tam seram prospicere temporis fortunam potuit, quæ paucos dies in fato Aurelii discernere non potuit. II, 150 A, Quibus magis eam, quam passionibus prospicit, τοῖς παθήμασι προορᾶται, græca phrasi.
Prospiciæ. II, 580 A, Prospicias earum. Ciacon. legit prosicias; Fest. Prosicium, quod prosectum projicitur. Glossarium: Prosiciæ, αἱ τῶν θυμάτων ἀπάρχαι, et alibi, prosiciæ, ἀκροθίνια.
Prostare. II, 709 B, Postrema dedecoratione sub titulo prostitisse Helenam viliorem, i. e. prostibulam fuisse in fornice vel lupanari publico, cujus infamiam publicus titulus proscriptione profiteretur.
Prostituere. I, 502 A, Lucernas meridie vanas prostituere. Havere. cum cæteris interpr. ait vehementius esse dictum, prostitui enim exiguam lucernarum et tædarum lucem, quum lucidissimis radiis solis meridiani opponatur. Malim tamen interpretari: palam exponere. II. 891 C, Aut tegi aut prostitui, i. e. retecta palam statui, et sine velamento procedere ante oculos omnium. II, 912 A, Quam totam faciem prostituere.
Prostitutio, institutio publica. I, 433 A, Sub imaginum prostitutione.
Protelare. II, 409 C, Sed sexcenta millia hominum protelavit, i. e. sexcentis hominum millibus vitæ et virium tenorem continuavit, produxit, protraxit. I, 1233 B, Et in portum divinæ clementiæ protelabit, i. e. ad portum usque quemlibet distantem producet, I, 630 A, Ut et ignorantiam protelet in occasionem, i. e. tanta est voluptatum vis, ut hominem suum tamdiu doceri nolit, vitanda esse christiano spectacula, quamdiu spectandi occasio sperabitur.
Provocare. II, 88 A, Provocans eam, nempe communionem utensilium, ad rationalium et irrationalium distinctionem, i. e. jubens ut ea commode prudenterque in duo genera distinguatur; hæc rationalia, quorum fabrica et usus cum ratione conjunctus, illa irrationalia, quorum tota accuratio præter et contra ipsam rationem est.
Proxime, proximo tempore, nuperrime. I, 372 A.
Psychicus. II, 156 A, Et manet chirographum apud Psychicos. Psychici opponuntur Pneumaticis, i. e. spiritualibus; quemadmodum et animalem fidem spiritali opponit disciplinæ, lib. de Jejun, cap. I. Dicebantur autem a suis Montanistæ sive Cataphryges spirituales, eo quod spirituales revelationes et prophetias ἐνθουσιώδεις sibi arrogarent: qui vero has singulares prophetias et revelationes ordinarias negabant esse in Ecclesia, audiebant Psychici ex I Cor., II. Tertullianus autem mediam quamdam viam tenuit quodammodo. Nam paracletum, i. e. spiritum ordinarium prophetiarum revelationumque singularium, agnoscebat ut Montanista: jejunia severe urgebat, martyria cogebat, in persecutionibus interdicens fuga, et secundas nuptias damnabat; sed a Montanistarum sacramentis abstinebat, et impiis illis atrocioribusque de Montano et Prisca prædicationibus. Ex quo factum, ut Augustinus (lib. de Hæresib. ad Quodvultdeum) Tertullianos sive Tertullianistas a Montanistis, qui et κατάφρυγες dicti, distingueret. II, 953 B, 954 B, Exteriores et interiores botuli Psychicorum. I, 532 A, De quo inter nos et Psychicos quæstio est.
Ptissana, πτισάνη, hordeum decorticatum. Græci hordeum aqua perfusum, dumque tumeret in sole expositum, mox in pila ligneo pistillo tantisper tundebant, dum corticem glumamque exuisset. I, 532 A, In exemplum ptissanæ, i. e. instar ptissanæ.
Publicare, in publicum traducere. II, 112 B, Qui enim non publicatur in hominibus, publicatur in Domino.
Publicatio. II, 892 B, Omnis publicatio virginis bonæ stupri passio est, i. e. detectio capitis.
Pulsare. I, 391 A, Idem spiritus pulsat, i. e. mentes prophetarum veridicis implevit, futura dicere impulit. II, 796 A, Pulsata salute, licet non adita veritate, i. e. pulsavere salutis januam Platonici, vindices immortalitatis animarum, sed qualitatem et modum immortalitatis ignoravere, non adita veritate. I, 609 B, Tunc philosophi duri, cum veritatis fores pulsant.
Pulvis. I, 1306 A, Et illum ipsum nigrum pulverem. Niger pulvis est calliblepharum Græcis et Latinis dictum, ex adustis rosarum palmarumque foliis, ex ampelitide et aliis, quo oculorum exordia producuntur.
