agendi arbitrium exhibent. Quin etiam ad haec mihi responde. Tene tibi ipsi dominari permittunt, an non? Ly. Neque id ullo pacto. So. Quis tibi dominatur? Ly. Paedagogus. So. Nunquid servus? Ly. Servus noster. So. Quam onerosissimum est, sat liber servo subiiciatur. Sed quid agendo paedagogus iste tibi imperat? Ly. Dum ad magistros me ducit. So. Et hi quoque praeceptores tibi imperant? Ly. Omnino. So. Multos igitur dominos principesque tibi pater sponte praeposuit. Sed cum domum ad matrem redieris, tene sinit quidquid placeat ut beatus sis, vel circa lanificium, vel circa telam, quando texit? an gladium forcipesque, radium ac pecten, ceteraque lanificii instrumenta attrectare sinet? Ly. Non vetaret solum, sed et caederet, si tangere auderem. So. Pro Deus, iniuriamne patri, vel matri aliquam intulisti? Ly. Nullam prorsus. So. Quam ob causam te beatum fore, et arbitratu tuo disponere singula nolunt, et quotidie te sic educant, ut semper alicui ser-
