Haec pagina emendata est

[BERNOWINI EPISCOPI CARMINA.]

I. Versus de Adnunciacione.

Hic Mariam claro Gabrihel sermone salutans
      Inquid': ‘Amica dei, virgo tonantis, ave’!
Hic fert ecce deum Christum veneranda Maria;
      loseph in obsequio gratus utrique comes.
Et domini reddit mater praecelsa futura :
      ‘Sic mihi fiat’, aiens, ‘pareo namque libens.’
Propitius nobis, petimus, iam parce redemptis,
      Pro quibus es factus, rex, homo, iure deus.

II. De nativitate.

Hic natus passus surgens scandensque redemptor
Cardine quadrato colitur, quo vertitur orbis.
Praedicat en natum occasus, oriens quoque passum,
Auster surgentem, septentrio ad ethera vectum.