Pagina:Presbiteri cura legenti monstrata de galli fugura.pdf/3

Talis dignitatis sit oportet cupiens
Parochus, reverendae ancillae serviens,
Et cuncta advocatam per suam audiens;
Quin stolae taxam Delphim per hanc definiens.
Gallus in cunctis se gravem studet reddere,
Hinc debent presbyteri exemplum capere,
Qui solent cum suis in popina ludere
Vel qui choreas subinde audent ducere
Gallus suas foeminas solet verberare,
Has, quas cum extraneis novit ambulare;
Sic Sacerdos subditos debet castigare
Contra legem Domini solent qui peccare
Gallus granum reperit, & vocat uxores,
Et illud distribuit inter chariores;
Tales discant Clerici pietatis mores;
Dando suis subditis scripturarum flores.
Gallus nunquam negligit tempus vespertinum:
Sed cum suis subditis volat ad supinum,
Ut in nocte media tempus matutinum
Servus Dei praecinat ad opus divinum;
Sic & bonus Presbyter respuens terrena,
Ducit suos subditos ex inferni paena,
Praebens iter caelicum caeli ad amoena,
Dum sponsus advenerit cum turba duodena.
Grex quam es beatus, qui hunc parochum habes
Exemplis, dicis, & tamen factis si pares: