Pagina:Recueil des Historiens des Gaules et de la France, tome1.djvu/57

E Wikisource
Jump to navigation Jump to search
Haec pagina emendata est
xlvij
PRÆFATIO.

sunt : de iis vel benè vel malè loquuntur prout affecti sunt : vel distinguenda sunt tempora. Gallorum gentem velut inhumanam, crudelem, barbaram nobis repræsentant omnes ferè Scriptores : præterquàm quòd enim humanas victimas immolabant, inimicorum in prælio occisorum capita collis equorum appendebant[1], nobilissimorum capita cedrio inuncta in arcis diligenter servabant ut peregrinis ostentarent[2] : gloriabantur quòd majores sui vel ipsimet magnam pecuniæ vim pro istorum capitum redemtione oblatam respuissent : nonnulli eo jactationis provehebantur, ut hæc capita æquilibri auri pondere mutare nollent. Boii Postumii Consulis præcisum caput ovantes Templo intulere[3], eoque purgato, calvam auro celavere : idque sacrum vas iis erat, quo solemnibus libarent. Attamen Galli[4], capta Roma, nullorum absciderunt caput, nec occisis illuserunt, nec inviderunt latebras aut fugam hostibus. Nemo, inquit Florus[5], tantùm feroces dixerit Gallos, fraudibus agunt : ad insidiandum loca semper deligebant arboribus impedita, secundùm Polybium[6] : si tamen Hirtio Pansæ fides est[7], homines erant aperti minimèque insidiosi, qui per virtutem, non per dolum dimicare soliti erant. Narrat Livius aurum cùm à Romanis appenderetur, Gallis ablatum à Camillo, eosque duobus præliis cæsos. Idem memorat Plutarchus Livium secutus[8] : aliter sentiunt Polybius,

  1. Strabo, pag. 31.
  2. Diod. Sic. p. 307. 313.
  3. Tit. Liv. l. 23. c. 24 p. 343.
  4. Appian. l. 4. de bel. civil. pag. 459.
  5. In bel. Gal. c. 10. pag. 534.
  6. P. 190.
  7. Lib. 5. cap. 49. p. 327.
  8. In Camillo, p. 386.