Non voco autem sapientem, supra quem quidquam est, nedum voluptas. Atqui ab hac occupatus, quomodo resistet labori, ac periculo, egestati, et tot humanam vitam circumstrepentibus minis ? quomodo conspectum mortis, quomodo doloris feret ? quomodo mundi fragores, et tantum acerrimorum hostium, a tam molli adversario victus ? Quidquid voluptas suaserit, faciet. Age, non vides quam multa suasura sit ? « Nihil, inquis, poterit suadere turpiter, quia adjuncta virtuti est. » Non vides iterum, quale sit summum bonum, cui custode opus est, ut bonum sit ? Virtus autem quomodo voluptatem reget quam sequitur, quum sequi parentis sit, regere imperantis ? a tergo ponis, quod imperat. Egregium autem habet virtus apud vos officium, voluptates prægustare ! Sed videbimus, an apud quos tam contumeliose tractata virtus est, adhuc virtus sit : quæ habere nomen |
Pagina:Sénèque - De la vie heureuse.djvu/38
Haec pagina emendata est