S
donec ita ueli sinus uentus impleuerit, ut intuentium se aspectui
subduxerit; aut si, F'auonio non fauente, remis undas impulerit,
donec remorum aspectum cunctorum oculis subtraxerit, in
littore tenentur prestolari. Ubi uero paulo longius proueclum
in pelago delitescere existimauerint, classico clangore ternis
uicibus uociferantes antique confederationis iura ipsi resignare
debent. Sin autem in solo natali extiterit et predicti sceleris
crimen incurrerit, uniuersum militare collegium ad nemoiis
densitatem eum comitari tenetur inque nemoris fronte
prestolari, donec se adeo recedendo semouerit, opaca quelibet tesqua
legens, ut eorum clamorem aut uociferationem exaudire non
ualuerit. Deinde uniuersa commilitonum legio totis una
uiribus trina uociferatione ualide proclamabit, ne alia ad eos uia
redire possit. Quo facto, hac lege tenentur astricti, ut, si
quisquam commilitonum uno saltim comite aut telo superior
illi postmodum occurrerit, eumque non inuaserit, eiusdem
ignominie et probrose nuncupationis iacturam subire teneatur.
Ad S. 27—28. valide . . redire possit, cfr. Saxo p. 531, 15 sqq.
29. uno saltim comite . . superior, cfr. Saxo p. 532, 2.
