Pagina:The poems of Gaius Valerius Catullus - Francis Warre Cornish.djvu/50

E Wikisource
Haec pagina nondum emendata est

34 C. Valeri Cat u Hi Liber

quamvis Candida miliens puella

cuntem rcvocet manusque collo

ambas iniciens roget morari ; 10

quae nunc, si mihi vera nuntiantur,

ilium deperit impotente amore :

nam quo tempore legit incohatam

Dindymi dominam, ex eo misellae

ignes interiorem edunt medullam. 15

ignosco tibi, Sapphica puella

Musa doctior : est enim venuste

Magna Caecilio incohata Mater.

XXXVI

Annales Volusi, cacata charta,

votum solvite pro mea puella :

nam sanctae Veneri Cupidinique

vovit, si sibi restitutus essem

desissemque truces vibrare iambos, 5

electissima pessimi poetae

scripta tardipedi deo daturam

infelicibus ustulanda lignis.

et haec pessima se puella vidit

iocosis lepide vovere divis. 10

nunc, o caeruleo creata ponto,

quae sanctum Idalium Uriosque apertos

quaeque Ancona Gnidumque harundinosam

colis quaeque Amathunta quaeque Golgos

quaeque Durachium Hadriae tabernam, 15

acccptum face redditumque votum,

si non illcpidum neque invenustumst.

at vos interea venite in ignem,

pleni ruris et infacetiarum

annales Volusi, cacata charta. 20

�� �