Pagina:Vita del glorioso martire s. Secondo (1823).djvu/51

43

Nunc decet paulo graviora nostris
Vocibus tolli, decet et canoro
Barbito laudeis, decus et Secundi
Tollere ad Astra.
Huc veni, festa redimite fronde,
Dum tuus Præsul Stephanus per aras
Concinit laudeis meritas Secundo,
Thuraque adurit.
Supplices, cernis? Veniunt Duces huc
En tui, ut votis faveat benignus
Sanctus, huc, cernis? populi frequentes
Undique currunt.
Hæc tibi sit lux celebris quotannis,
Clarior semper redeat, nec unquam
Afferat luctus, gemitus, querelas,
Dirave bella,
Tu preces audi interea, Secunde,
Civibus præbe requiem cupitam,
Cernui en adsunt, duplicemque palmam ad
Sidera tendunt.
Urbis, o Custos, amor, omniumque
Civium dux, o placidæque pacis
Auctor, huc adsis, releva cadentes
Tramite recto
Te Duces quærunt populi Magistrum,
Te petunt morum, unanimes sequuntur