Optimum Regem magnitudine imperiis aliis praecellentem nobiles antiquasque subditorum familias, non solum in solito, ac pristino splendore conservare decet, sed eisdem etiam originem ducentes ad summos honores prevehere praeclarisque titulorum stematibus insignire atque augere. Quare, cum tu illuster consanguinee noster domine loseph Montaperto et Uberti Marchio de Monteaperto, nobis supplicari feceris ut attentis servitiis tuis, a cardinale Trivultio nobis relatis, in Baronia tua Terrae de Refaudale, te ad principatus apicem et dictam Terram de Refaudale ad civitatis gradum evehere regia nostra benignitate dignaremur. Nos vero perpendentes antiquae familiae tuae nobilitatem ac etiam constantissimam maiorum tuorum in nos inque serenissimos Reges predecessores nostros indelebilis memoriae fidem studium et obsequia variis in rebus magni ponderis nostrae regiae Caesareae Coronae praestita et presertim a spectabilibus et fidelibus nobisque dilectis domino Aloysio ac domino Petro de Montaperto et Uberti, summa animi contentione promptaque voluntate, quoties occasio se obtulit, nullis vitae periculis parcentibus exibita. Cumque animadvertamus eximiam animi tui in nostrum regium obsequium propensionem et affectum in turbulentiis civitatis Agrigenti annis proxime elapsis eventis ac in aliis magni momenti rebus ad nostrum obsequium spectantibus bene cognitum et probatum aliasque egregia quibus ornatus existeris virtute nec non tui similem te semper futurum maiorumque tuorum vestigiis inhaerentem alia ampliora obsequia nobis exibiturum speremus non a re nostra alienum fore indicavimus si te, predicte domine Ioseph Montaperto et Uberti, marchionem de Montaperto altissimo principatus gradu, dignitate et prerogativa decoreremus et Terram de Refaudale civitatis Fidelis titulo insigniremus. Igitur presentium cunctis deinceps temporibus valiturarum, de certa scientia regiaque auctoritate nostra deliberate et consulto ac ex gratia speciali naturaque nostri Supremi Consilii accedente deliberatione, te eundem dominum loseph Montaperto et Uberti tuosque heredes et successores, ordine primogeniturae servato, princeps dictae baronine terrae de Refaudale que in predicto nostro Sicilie ulterioris Regno est, iustis et legitimis titulis a nobis e a nostra Regia Curia cum elus castris terris et vassallis vassallorumque redditibus, iuribus, actionibus, iurisdictione et integro statu, iuxcta formam tuorum privilegiorum, tenes et possides, facimus, constituimus atque in perpetuum reputamus terram ipsam fidelem de Refaudale atque ilius membra et districtum principatus titulo et civitatis honore insignimus, extollimus et decoramus teque ac tuos heredes et successores, ut supra, principes dictae terrae de Refaudale dicimus et nominamus ab aliisque in omnibus et quibuslibet actis et scripturis dici et nominari et ut tales in perpetuum haberi, censeri et reputari volumus et iubemus. Decernentes et volentes ut post hac tu, predicte domine loseph Montaperto et Uberti, tuique heredes et successores predicti omnes et singuli consanguinei, privilegiis, prerogativis, dignitatibus, preheminentiis, libertatibus et exemptionibus uti frui et gaudere possis et possint, valeas et valeant, quibus huiusmodi titulo et dignitate decorati potiti sunt seu quomodolibet potiuntur et gaudent potirique et gaudere possunt de consuetudine vel de iure; ita ut in Parlamentis et aggregationibus titulatorum eiusdem nostri ulterioris Siciliae Regni et aliorum per nos et successores nostros ac Proreges in dicto Regno pro tempore existentes habendis tamquam principes dicte Terre de Refaudale vocari et tractari debeant et debebunt, et a nobis et ipsis tua dignitas et gradus et locus observetur. Statuentes et declarantes expresse quod presentis tituli concessionis privilegium sit esse debeat tibi dicto domino Ioseph Montaperto et Uberti tuisque heredibus et successoribus predictis, omni futuro tempore, stabile, reale, validum atque firmum nullumque in iudiciis aut extra sentiat dubietatis, obiectus, defectus, incommodum aut alterius cuiuslibet noxae detrimentum sed in suo semper robore et firmitate perseveret, fidelitate tantum nostra iuribusque nostris alterius semper salvis et reservatis. tibi dicto domino Ioseph Montaperto et Uberti tuisque heredibus et suc- Don Ioanni ab Austria filio nostro propterea in dicto ulterioris Siciliae Regno proregi, locumtenenti et capitaneo generali nostro, spectabilibus, nobilibus, magnificis, dilectis consiliariis et fidelibus nostris Magistro Iusticiario, Praesidibus nostrae Magne Regiae Curiae, Patrimonii ac Sacrae Coscientiae, Iudicibus Magnae Regiae Curiae. Magistris Rationalibus, Thesaurario et Conservatori nostri Regii Patrimoni, Advocatis quoque et Procuratoribus Fiscalibus ceterisque demum universis et singulis officialibus et subditis nostris maioribus et minoribus in eodem Regno constitutis et constituendis decimus praecipimus et iubemus sub incursione nostrae regiae indignationis et irae poenaeque unciarum mille nostris inferendarum erariis, quatenus presentem nostram concessionem omniaque et singula in ea contenta a prima eius linea usque ad ultimam tibi predicto domino Ioseph Montaperto et Uberti tuisque heredibus et successoribus teneant firmiter et observent tenerique et inviolabiliter observari faciant per quoscumque iuxta eius seriem, continentiam et tenorem pleniorem cauti a contrario secus agere fierive permittere ratione aliqua sive causa si officiales et subditi nostri predicti gratiam nostram charam habent ac praeterire et indignationis nostrae incursum poenam preappositam cupiunt evitare. Solvit integrum ius dimidia annata, sed volumus et expresse iubemus quod in posterum unusquisque predictorum sucessorum in dicto principatus titulo teneatur antequam possessionem illius adpiscatur solvere, quod inclusae esse regulae eidem iuri debebunt. In cuius rei testimonium presentes fieri iussimus nostro communi negociorum predicti ulterioris Siciliae Regni sigillo impendenti munitas. Date in domo nostra de Aranjuez, die prima mensis mai anno a Nativitate Domini 1650, regnorum autem nostrorum omnium trigesimo. Yo el Rey
Privilegium pro Ioseph Montaperto et Ubertis
Privilegium pro Domino Ioseph Montaperto et Ubertis
1650
editio: incognita
fons: A.S.P.A., Conserv. di Registro, Mercedes, vol. 357, a. 1649-54, cc. 123v - 125г.
fons: A.S.P.A., Conserv. di Registro, Mercedes, vol. 357, a. 1649-54, cc. 123v - 125г.