The seven great hymns of the mediaeval church/Veni Creator Spiritus/Charlemagne

e libro The seven great hymns of the mediaeval church Caroli Cooper Nott

Veni Creator Spiritus	Veni Creator Spiritus (Dryden)

VENI CREATOR SPIRITUS.

CHARLEMAGNE.

V ENI, Creator Spiritus,
Mentes tuorum viſita,
Imple ſuperna gratia,
Quæ tu creaſti pectora.

Qui diceris Paraclitus,
Altiſſimi donum Dei,
Fons vivus, ignis, charitas,
Et ſpiritalis unctio.

Tu ſeptiformis munere,
Digitus Paternæ dexteræ,
Tu rite promiſſum Patris,
Sermone ditans guttura.

Accende lumen ſenſibus,
Infunde amorem cordibus,
Infirma noſtri corporis
Virtute firmans perpeti.

Hoſtem repellas longius,
Pacemque dones protinus:
Ductore ſic te prævio
Vitemus omne noxium.

Per te ſciamus da Patrem,
Noſcamus atque Filium;
Teque utriuſque Spiritum
Credamus omni tempore.

Deo Patri ſit gloria
Et Filio qui a mortuis
Surrexit, ac Paraclito,
In ſæculorum ſæcula.

Veni Creator Spiritus	Veni Creator Spiritus (Dryden)

Vide etiam

Veni, Creator Spiritus pagina discretiva