Tres audio voces grandisonas,
Et bonorum per ora strepentes;
At voces fatuas, absonas,
Nec opem nec levamen ferentes.
Tu vitae fructû privabere!
Inanes dum umbras venabere!
Dum secula speras aurea,
Quibus Fas et regnaverint Jura.
Viget vis Malitiae ferrea
Aeternum rebellatura;
Sublata in aurâ ni eliditur,
Humi robore duplo renascitur.
Dum speras, Fortunae numine
Jam probos juvari et fortes,
Bonos odit, et coecâ libidine
Bonas pravis adtribuit sortes;
Neque captant probi terrestria,
Sibi tecta nacturi coelestia.
Dum speras cuipiam homini Veritatis repandi arcana:
Mortali non pervia lumini
Mens argutat solum humana.
Quam sonoro arctare vis nomine,
Dea pernix evolat turbine.
Ne anime quaere inania,
Coelesti fiduciâ stato!
Nec auri, nec oculis obvia
Tamen pulcra et vera putato.
Neu foris venator temere,
Quae non nisi intus fas promere.
Verba veracia