Natus sum Iosephus Felten Coloniae Agrippensis No[n.] Nov. a. 1884 patre Ioanne, matre Catharina e gente Cossma[na] quos adhuc superstites esse summopere laetor. Fidei addict[us] sum catholicae.
Litterarum primordiis imbutus in gymnasio Fridericio G[ui]lelmio Colon. et maturitatis testimonium adeptus a. 1904 M[o]nacum et a. 1905 Oenipontem me contuli, ut philosophicis [et] theologicis studiis operam navarem. Inde a quarto semestr[e] Oeniponte et inde ab a. 1906 Bonnae philologicis studiis i[n]cubui. Examen rigorosum absolvi Kalendis Mart. anni MCMX[..] examen pro facultate docendi a. d. XIV Kal. Dec. eiusdem ann[i.]
Docuerunt me viri illustrissimi: Lipps, Schneider, v. He[r]ling, Furtwängler †, Kalinka, Stolz, Zingerle, Brinkman[n,] Elter, Marx, Loeschcke, Solmsen †, Dyroff, Erdmann, Ende[..,] Litzmann, Schultz, Wilmanss †.
Proseminarii philologici postquam quattuor per semest[res] sodalis fui, Brinkmanni, Elteri, Marxii benevolentia factu[m] est, ut in seminarium philologorum Bonnensium recipere[r] cuius per bis sex menses sodalis ordinarius fui. Praeterea [ut] exercitationibus linguisticis interessem, Solmsen benigne co[n]cessit, exercitationibus theodiscis Wilmanns et Litzmann, a[d] seminarium philosophicum liberaliter aditum mihi patefecerunt Dyroff et Erdmann.
Quibus viris omnibus quam maximam habeo gratiam; praecipue numquam desinam pio gratoque animo colere Brinkmann et Rabe, qui in hoc opere perficiendo summa cum benignitate me adiuverunt.