I.
S
TABAT Mater ſpecioſa
Juxta fœnum gaudioſa,
Dum jacebat parvulus;
Cujus animam gaudentem
Lactabundam ac ferventem
Pertranſivit jubilus.
II.
O quam læta et beata
Fuit illa immaculata
Mater Unigeniti!
Quæ gaudebat et ridebat,
Exultabat, cum videbat
Nati partum inclyti.
III.
Quis jam eſt, qui non gauderet
Chriſti matrem ſi videret
In tanto ſolatio?
Quis non poſſet collætari,
Chriſti matrem contemplari
Ludentem cum filio?
IV.
Pro peccatis ſuæ gentis
Chriſtum vidit cum jumentis
Et algori ſubditum;
Vidit ſuum dulcem natum
Vagientem, adoratum
Vili diverſorio.
V.
Nato Chriſto in præſepe
Cœli cives canunt læte
Cum immenſo gaudio;
Stabat ſenex cum puella
Non cum verbo nec loquela.
Stupeſcentes cordibus
VI.
Eja mater, fons amoris,
Me ſentire vim ardoris,
Fac ut tecum ſentiam!
Fac ut ardeat cor meum
In amatum Chriſtum Deum,
Ut ſibi complaceam.
VII.
Sanſcta mater, iſtud agas,
Prone introducas plagas
Cordi fixas valide.
Tui nati cœlo lapſi,
Jam dignati fœno naſci
Pœnas mecum divide.
VIII.
Fac me vere congaudere,
Jeſulino cohærere
Donec ego vixero.
In me ſiſtat ardor tui;
Puerino fac me frui
Dum ſum in exilio.
Hunc ardorem fac communem,
Ne me facias immunem
Ab hoc deſiderio.
IX.
Virgo virginum præclara,
Mihi jam non ſis amara;
Fac me parvum rapere;
Fac ut pulchrum ſantem portem,
Qui naſcendo vicit mortem,
Volens vitam tradere.
X.
Fac me tecum ſatiari,
Nato me inebriari,
Stans inter tripudio.
Inflammatus et accenſus
Obſtupeſcit omnis ſenſus
Tali de commercio.
XI.
Omnes ſtabulum amantes,
Et paſtores vigilantes
Pernoctantes ſociant.
Per virtutem nati tui
Ora ut electi sui
Ad patriam veniant.
Stabat Mater (Coles)