Carmina (Catullus)/58b
E Wikisource
Catullus 58b
[recensere] Verba Latina
Non custos si fingar ille Cretum,
non Ladas ego pinnipesue Perseus,
non si Pegaseo ferar volatu,
non Rhesi niveae citaeque bigae;
adde huc plumipedas volatilesque,
ventorumque simul require cursum,
quos iunctos, Cameri, mihi dicares:
defessus tamen omnibus medullis
et multis languoribus peresus
essem te mihi, amice, quaeritando.
[recensere] Fons
http://rudy.negenborn.net/catullus/text2/l58b.htm
